131025 Dinner with啡+清

人大左身邊既朋友都少左，結婚既結婚，生仔既生仔，佢地都漸漸同我地少左聯絡，甚至失埋蹤。以前逢生日都會一大班朋友去唱K飲酒，而家我老啦！真係捱唔到啦。我今日就同2個壽星女補祝生日，簡簡單單幾個朋友咁食下飯，傾下計都好開心。

131024 輕鬆搬家

今日的起心肝將YahooBlog搬家，一直以黎都唔搬既理由係「我睇唔明要點搞」今日睇左好耐都係睇唔明。

因為我好懶，寫既Blog真係唔多，如果真係搞唔掂既，唯有逐篇copy落新Blog度啦！另外一個問題係「搬去邊好？」對於我呢啲電腦唔叻既人黎講，諗起要搞咁多野就已經好煩。

  

後未多得Blog友「YC」 教左我一個下午，佢耐心咁逐個步驟教我，連蠢過隻豬既我都輕鬆搬家，真係唔該哂「YC」。

131019 大出血(碌3)

諗左都差唔多成個月，最後都係決定買，睇黎我真係逃唔出三叔既魔掌。由碌1碌2用到而家碌3，如果啲蘋果粉絲叫自己做果迷，相信我可以叫做碌迷，尤其佢個芒越大越開心。