111202 註冊日(豬仔篇)

其實結婚本來係一件開心事，但我就變成傷心事。在我註冊當天起床的時候，我的寶貝狗『豬仔』離開了我。令我呢一生一世都會記住呢一日，連當時註冊都好唔開心。雖然註冊後去左酒樓擺兩圍，聽到賤人講難聽說話都無反應，因為我只急住想返屋企處理豬仔身後事。

呢張相係豬仔走時既相片，豬仔係佢最愛既菠蘿床裏離開。好多人都信唔信人死左之後，會變飛蛾返屋企探親人。

我本人就好相信。第一次就係婆婆係舊年走個時，我訓前見到好大隻又黑又大隻既飛蛾，開頭無為意係咁趕佢，點知趕極都唔肯走，好似飛黎睇我咁！第二次就係豬仔，有隻飛蛾仔飛左返黎係天花板，睇左我地成晚。