140104 小肥牛

失業時間特別多聚會，今日就RN的朋友又搞食食食活動，今次係太子小肥牛打邊爐。其實小肥牛開左咁耐第一次去，加上舊年開始唔食牛，我就更無興趣去，不過一大班人都可以試試既。

今次又有新朋友出黎，次次都有新朋友加入，RN識朋友真係濫，真係勁呀！我地一行11人點左勁多野，多到影唔切相，係咁易影啲交下功課咁啦！佢自稱啲火鍋配料刁鑽喎，不過我同關生就覺得麻麻地，而賣相都算唔錯既。

其中有個新識既女仔住係附近，佢提議食飽飽就諗住食糖水，點知去到兩間糖水舖門口都排長龍，有人提議去遠啲食，點知阿女仔唔肯，要係佢屋企附近先食。之後好低B咁一班人去麥記食雪糕，好搞笑呀！