今日同朋友食完飯返到屋企 都一貫慣例咁check下綠D 話哂今日係第29日 如果唔中 就準備聽日會黎M 點知check完 見到綠D乜野都無 心諗都預左架啦 行出廳同關生講可以食雪糕 下個cycle再努力過 關生第3次聽到都開始無乜失望咁 我就拎左盒大Dreyers出黎 好放肆咁嘆左半盒啦
食完雪糕就入廁所沖涼啦 沖完涼著好衫準備訓覺 點知多手拎多次條綠D睇 點解好似有條勁淺色既哄既 咁係唔係中左獎呢 個刻緊張到不得了 好大聲叫關生入黎 關生對眼鬥哂雞咁望條綠D 之後話不如驗多次
平時我會一次過check埋紅D綠D 但點解我頭先無check埋既呢 我個人越急就越無小便 之後狂飲水之下 終於有小便啦 基於頭先都等左一陣先出個哄既關係 我同關生決定等5分鐘後再望 等待呢5分鐘真係好漫長 好唔容易等到一睇 今次綠D深色左咁 而紅D明顯深色 就正如Blog友分享咁 無可能係Day29排卵架
呢刻心情真係好難形容 既好開心又複雜 關生開心到好感動 而我都忍唔到流眼淚 估唔到係我地放棄造人呢個月會成功 我倆公婆囉囉孿成晚 完全興奮到訓唔著 好期待聽朝起身check下篤晨尿 因為我之前買左支萬寧牌 訓醒就可以再驗真啲
沒有留言:
發佈留言