140627uBaby坐月講座(20w6d)

估唔到尋日臨急臨忙上網 睇到uBaby搞陪月講座 即報名即有人覆有位 我同我9月預產期既好朋友R一齊都去聽下 我地約左佐敦等

上到去先知佢地係間樓上舖 好多野都有得賣 床仔 尿片 紗布…… 淋淋沈沈都有幾齊下個隻 未夠鐘聽講座 我同朋友R周圍參觀下

行左一陣講座開始 齊齊入去聽 有個好有經驗既陪月姐姐介紹 有咩會由佢地可以幫手做 其實佢地講既內容都好表面 或者佢地主要目的係sell陪月服務啦 聽完講座賣張問卷 有禮物拎

禮物有兩包無用既野 一包有5小包唔飲既挼乳茶茶包 另一包係BB洗衣粉 之前聽啲媽咪級朋友講 唔好用洗衣粉洗阿B衫 要用洗衣液比較好 

之後我就同朋友R去左食晚飯 一向聽開佢老公好嚴謹 自從有左阿B後唔比佢亂食野 竟然今晚作反 同我食八方雲集 仲要食酸辣湯好鬼大膽

而一早無戒口既我 當然陪佢食啦 我地仲叫左麵線 餃子同窩貼

大家有傾有講 嘻嘻哈哈咁食野 直到佢老公打黎吹佢走 我地先捨得走