120825 好朋友相聚

係英國定居既好朋友B先生，返左黎香港探親，我作為B先生既好朋友，當然會見面食飯啦！因為上餐由另一位人兄埋左單，所以我再約B先生請佢食飯，幫佢洗洗塵。因為佢地話未黎過我屋企，所以今次決定黎我屋企……打邊爐。

我啲朋友都知，黎我屋企地方細細又無野玩，每次上黎活動都只係打邊爐，但點解佢地都仲咁鍾意上黎呢？因為我會一早準備好哂所有食既野，佢地一上到黎就可開餐，過門都係客我唔會要啲朋友動手，今次都有邀請朋友E小姐黎，佢仲買埋一紅一白酒上黎。

B先生帶埋佢老婆黎我家，時間過得真快，仲記得7年前有日，B先生突然打長途電話返黎，話佢要結婚返香港擺酒，要我幫佢老婆做姊妹，今日佢地已經有兩個小朋友啦！我地可能太耐無見，一路食…一路傾…一路飲，講下東…講下西…講下近況…講下上當年…講下將來……無諗過佢仲係10幾年前，我識既B先生，佢個人仲係好真好簡單……嘻嘻哈哈咁就開心左一晚。