120905 uWeddings約揀相

真係不知所謂！上個月12號係uWedding影相之後，一直無人打人通知我揀相！今日忍無可忍自己打落Shop約睇相，打去搞到我仲嬲！佢竟然話「有同事一早打過比我，只係我無聽佢電話！」我仲可以講咩丫！為左唔想再找麻煩，只好硬食啦！

之後個姐姐真搞笑，係咁叫我「閒日晏晝去揀相，仲提我一定要叫埋先生去！」我知啦！閒日唔會阻住你其他客嘛！叫埋我先生黎比你sell嘛！

最後我揀左閒日夜晚，因為我真係無哂大假啦！同埋我想我啲朋友陪我去。迫住要拖到月尾27號先睇相。真係好擔心趕唔切丫！