120906 結婚公仔(1)

決定擺酒咁耐，最難完成的一個項目，可算是買結婚公仔啦！

睇左好多次金都，好多款都唔係我心水。雖然我鍾意鬆馳熊，成個場都有鬆馳熊賣，但就因為我太鍾意佢，所以唔想買隻假野返屋企擺！係金都睇到都係以下呢d款：

 經我上網搵，有間賣日本正版鬆馳熊，會幫啲鬆馳熊做埋禮服同婚紗，店主真有諗頭。有呢三個款選擇：

(1) 呢款我最鍾意，因為個款簡簡單單，白熊個頭紗箍係耳仔度可以拆出黎，個設計真係有心思丫！

(2) 呢個款就多啲detail 位啦！好似白熊頭紗加多珠仔，同埋件婚紗變左蛋糕裙，好有層次丫！

(3) 我個人對中式款就覺得麻麻地，感覺好累贅咁囉！

 不竟係日本正版鬆弛熊，單買公仔都$500，做埋禮服同婚紗要$1300，好似貴左啲。我朋友仲笑我，邊有人睇得出真定假丫。所以要認真考慮下先決定，又再睇下先啦~