131105 PHILIPS洗面機

最近我弟婦買左部PHILIPS洗面機，佢話洗得好乾淨，搞到我又心郁郁想買黎試，但今次點都唔會唔會唔會唔會再買水貨！但估唔到越想買就越買唔到，搵左好多間百老匯周圍都無貨，佢地串到唔係間間都肯留電話，好似唔休做生意咁。 

自從上星期團購Beecrazy既Hitach導入機成功退款後，我又身痕想買過部，因為之前搞左一年多都未真正用過，真係好想試下係咪咁好用呀！

 

因為聽日有個朋友黎香港，我幫佢去沙田買手信拎比佢，咁岩得咁橋我尋日係沙田留電話要既洗面機有貨，真係幸運！諗諗下，如果我落左訂的話，佢地未必會第一時間打比我添！