131127 生日大快樂(多謝明+啡)

仲有2日生日，今次有我兩個好朋友請我食飯，食我最鍾意既日本菜。真係好開心，朋友記得自己生日係一件好幸福既事。今日我地去左荃新天地1期既鳴門，可能我地早入去，成間餐廳無乜人，我地坐卡位好舒服夠闊落。

 

之後我地3個人都叫左好多野食，不過黎到都細細件食落係好味，但我覺得就唔抵食，一串串燒都要$2x蚊，朋友請都有啲肉痛，不過啲魚生同刺身又真係好新鮮。

你串下我我串下你，嘻嘻哈哈又一餐，食飽飽後我地再戰糖水。

人大左身邊真正既好朋友越黎越少，老土啲講句：我會好好珍惜你地！